Áramót í nóvember

Mugison var frábær, gæsahúð og gleði.

Skrúðganga með lögguhundum og öðrum hjálpartækjum lögreglu og sjúkraliðs var að renna fram hjá glugganum hjá mér. Veit ekki hvort þetta er liður í jólaundirbúningi borgarinnar. Hér eru annars bæði komin jól og áramót, það borgar sig náttúrulega ekkert að bíða með öll ósköpin. Jólaskraut komið útum allt og fólk farið að sprengja kínvarja og þvíumlíkt í tilefni nýja ársins.

Ég er að vanda mig við að taka ekki eftir þessu og byrja bara jólin þegar ég er búin í prófunum og halda svo upp á nýja árið eftir það.